على الوعد جيت مدري جيت متأخر=والكل منا يسابق موعد الثاني

يا بنت جيتك وكلي قلب ومسخر=يا قرب حايل ما دام جيت لك عاني

عليك فرقاء وجيت بشوفك مبشر=بشري براءه سجين وغيره الجاني

اطوي طريق طواني وأدري مقدر=الله عطاك العلا لو بعدك اشقاني

حتى النفس من سكنتي صدري مبخر=والشعر لايق غروره وانت الحاني

غصب اتصبر على بعدك ومتبصر=عل وعسى الصبر معه يرجح ميزاني

اعشقك عشق الجدود الطاهر مطهر=بصدق النوايا وصدق الجرح واحزاني

بالصدر ينبوع حزن العام متفجر=لولا الامل والقصايد مبطي افناني

بعدك ذبحني وانا بالعذر متستر=وبالصدر ضيقه وعذري واحد ثاني

على الوعد كلنا لو كان متأخر=جينا وكل خطاه تسابق الثاني