(((حــبــيــبــتــي لـــيـــلـــى )))

[خلف الشلهوب]

أحبتي أعضاء وزوار ساحات حايل



اهداء لأذواقكم الراقيه





الشعر مالي فيه لكن احاسيس=تجيبني له نوب غصبٍ عليه
وان صار به صوله وجوله وفريس=فارس واقدِر مركبي للمطيه
من روس قوم ماتهاب المتاريس=الضيف مايلقا عليهم رديه
اشفق على كسب الثناء والنواميس=واحرص على جمع القلوب الوفيه
بديت اعبر فوق بيض القراطيس=سج القلم والمد نبع ابجديه
لبت لأجل خاطر عيونه قواميس=بكل اللغات الدارجه العالميه
يكتب لها عما يثير الاحاسيس=ويهدي لها من بوح نفسٍ رضيه
لافاح زاكي عطرها بالنسانيس=ثارت احاسيس الوله عاطفيه
اليا اقبلت تطرد جميع الوساويس=وبشوفها الضيقات تصبح فضيه
وبحضورها تلغي انوار الفوانيس=يقلب ظلام الليل شمس ضحويه
لها غلا فايق جميع المقاييس=في نسبته من فوق ميه بميه
ماظن خطر مثله على بال قسيس=يوم الأحد صلى لدمح الخطيه
ولايجي في قلب من يرجم ابليس=مصباح جمعة عيد حج الضحيه
حبيبتي ليلى وانا بحبها قيس=ابن الملوح في هوى العامريه
المملكه في ناسها والتضاريس=عاشت بلادي دوم حرًه أبيه


باقة ورد لمن شرفني بمروره

[ولد الشـــايب]

وان صار به صوله وجوله وفريس
فــارس واقـــدِر مـركـبـي للمـطـيـه

من روس قـوم ماتهـاب المتاريـس
الـضـيـف مايـلـقـا علـيـهـم رديـــه









خـــلـف الـشـــلــهـــوب



صح لساااااااانك ولا هنت على هذه الأبيااااات الراااااائعة



تقديري واحترااااااااامي لـك ، ، ،

[ضامي الشوق]

أخي خلف

صح لسانك وعلى شانك على روعة ماكتبت
تقبل تحياتي وتقديري

ضامي الشوق

[حمد2]

خلف الشلهوب صح لسانك

[رشيد العطاوي]

وان صار به صوله وجوله وفريس
فــارس واقـــدِر مـركـبـي للمـطـيـه

من روس قـوم ماتهـاب المتاريـس
الـضـيـف مايـلـقـا علـيـهـم رديـــه


الله الله عليك مبدع ياخلف

نعم فيك وبربعك

صح لسان لاهنت

تقبل تقديري لك

[نوماس]

صح لسااااااااااااااانك

وسلم فكرك وطاب ذكرك

[البرقاوي]

لاهنت وقصيدة تحمل من السمو الكثير

[غربة الروح]

خلف الشلهوب

صــح لســانك

دائمــاً رااائــع

تحيتي لك

[مقبل الفهد]

خلف الشلهوب

ونص شعري راقي كما تعودنا

صح لسانك لاهنت ,, تحيتي وتقديري

[الخروبي]

احساس جميل صح لسانك

[حمدالعبدالله]

شاعرنا خلف الشلهوب صح لساانك ولاهنت رائع جدا ما كتبت

عطر وجمال رفيع المستوى ينساب من يمينكـ

أجمل البوح وأعذب الكلام وأجزل المعاني

رونق وحرف وسبك وحبك جمال واسلوب لايضاهى

لا حرمنا الله هذا العطاااء وهذا الجماال البهي

تقبل مروري المتواضع بين رقي بوحك

[نايفة حايل]

صح السانك مداد مره واثنان وثلاث

جزله من شاعر جزل ويغوص البحر ,

[" أبو صالح "]

قصيدة جميلة

صح لسانك ولا هنت

تحياتي ،،،

[صالح الشمري]

أخي خلف

صح لسانك واعتلا شانك على روعة ماكتبت
تقبل تحياتي وتقديري

[أبو محمد]

صح لسانك وصح الحضور الأبيض

ولاهنت ياخلف

شاعر ماعليه غبار

[منصور الجلعود]

المملكـه فـي ناسـهـا والتضـاريـس
عـاشـت بـــلادي دوم حـــرًه أبـيــه


خلف الشلهوب


صح لسانك وعلا شانك تستحق المملكه كل هذا الحب والوفاء


لك ودي وتقديري



بانتظار المزيد من نصوصك الراقيه


,