# # يوميات موظف الأستعلامات 905 # #

[الشـ أبوضاري ـمّري]

يوميات موظف الاستعلامات 905
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:


المكالمه الاولى : شايب كبير السن
الموظف : الو ..استعلامات الدليل محمد الــ......, مرحبا

المواطن : الو .. ممكن لو سمحت تعطيني رقم عبدالله فهد سعد
الموظف : وين ساكن اخوي لو سمحت
المواطن : ساكن هنا قريب منا .

الموظف : وين قريب منكم بالظبط .

المواطن : ياخوي هنا جمبنا جارنا ماتعرفون رقمه .
الموظف : ياعزيزي انا مادري انت وين بعد .


المواطن : اقول والله ماعندك ماعند جدتي بس .
طوط طوط انقطع الخط

المكالمه الثانيه : صوت ناعم
الموظف : الو ..استعلامات الدليل محمد الــ......, مرحبا
الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم
تعطوني اياه
الموظف : اي فرع تبغون رقمه .
الصوت الناعم : تدري ايش فيه فرع النسيم بايخ لآن البيتزا حقتهم توصل بارده ..
وبعدين شكلها خبز تميس .
الموظف : بيموت من الضحك بس ساكت ... طيب خوذي فرع العليا اجل

الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم
وعلى دمك .
طوط طوط انقطع الخط


المكالمه الثالثه : طفل يرفع الضغط

الموظف : الو ..استعلامات الدليل محمد الــ......, مرحبا

الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
الموظف : طيب خذ رقمه ؟؟؟؟؟؟؟؟؟؟

الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه)

الطفل : طيب ابي واحد ثاني هذا رقم ابو نادر عمي سعد .

الموظف : اتصل مره ثانيه لانه ممنوع اكثر من رقم في اتصال واحد .

الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك
مجاني اكلم بريالي .
الموظف : يخرج من طوره ( اقول اسمع ............. طوط طوط قفل الخط


المكالمه الرابعه : كانت صوت ناعم


الموظف : الو ..استعلامات الدليل محمد الــ......, مرحبا
الصوت الناعم : عوافي اخوي .


الموظف : الله يعافيكم يارب ........ ( اول مره احد يعطيه روح معنويه)
الصوت الناعم : لا انا قصدي ابغى مطعم عوافي اللي في العليا .


الموظف : طيب خوذي الرقم ؟؟؟؟؟؟؟؟؟؟؟؟؟

المكالمه الخامسه : كانت صوت ناعم اوي

الموظف : الو ..استعلامات الدليل محمد الــ......, مرحبا

الصوت الناعم : مرحبا اخوي ممكن تعطيني مستشفى العيون للولاده
.
الموظف : كيف ..؟؟؟؟؟
الصوت الناعم : مستشفى العيون للولاده .. تسمع يا اصقه .

الموظف : يبي يصرفها المكالمه مسجله طبعا ( هذا رقمه غير معلن ) .
الصوت الناعم : طيب ظف وجهك .

طوط طوط انقطع الخط .

المكالمه السادسه : كان صوت ناعم.. بنت

الموظف : الو ..استعلامات الدليل محمد الــ......, مرحبا

الصوت الناعم : هلا اخوي ممكن تعطيني رقم صيدلية السقاف

الموظف : تفضلي الرقم ؟؟؟؟؟؟؟؟؟

الصوت الناعم : لا لا لا هذا رقم صيدلية السقاف اللي في الروضه

الموظف : طيب ايش فيها .

الصوت الناعم : ماهي زينه ... مايبيعون الا فكس ..

طوط طوط انقطع الخط .

........



يا عمري مسكيييييييييييين والله رحمته

[مربي اجيال]

حلووووووووووووووووووووه انشهد ان الوظيفه اللي فيها تعامل مع الموطنين بشكل مباشر مثل مامور السنترال والاتصالات والشرطه وغيرها تجيب الهم لان فيها مواقف بعضها صعب التعامل فيها والبعض سخيفها وتحرق الدم.


بسسسسسسسسسسسسسسسسسسس ارجع واقول حلووووووووووووووووه ويعطيك العافيه

باي باي

[سلمان الشمري]

أكل العيش مثل ما يقولون أخوانا المصريين


أعانهم الله هم وجميع من يخدم المواطنيين مباشره



كرجال المرور وموظفين المستشفيات وكثير غيرهم

[الفــدرالــي]

هههههههههههه الله يعينه اشكرك اخوي ابو ضاري على الموضوع الجميل واتمنى لك التوفيق دايماً

تــحيـــاتـــي
الــفــ F.B.i ـــدرالـــي

[الشـ أبوضاري ـمّري]

يسلموووووووو الفدرااااااااالي

ويسلم كل من مر على هالموضوووووووووووع

[الحائلية]

الشمري ابو ظاري ابدعت 000 وبعدين يأخي خل المواطنين ياخذون راحتهم ماهم يكلمون بريالهم

على الموظف ان يستقبل الريال كي يظمن الرضى من شركة (الاختلاسات السعودية )والا يروح في

خبر كان 000

والا مايخافون ربهم اشتراك شهري للخدمة - ريال لكل مكالمةبـ 905 ( على كذا بنكثر من اوراق الاعلانات اللي توزعها المطاعم كل يوم والثاني وناخذ نوته ونمشي ونسجل ارقام خبرك اكتب ببلاش ولاتكلم كل يوم عشر مرات بعشر ريال وهم جهاز ويسجل على المواطن الضعيف اللي يبي كل شي وهو ماعنده شي )

-اشتراك ايزي نت((اما ايزي نت ورسوم النت خبركم خواتي الضعيفات دايم اخوي يهاوشهم ماتطلعون السوق ماعندكم شغل الحدايق لا مابه الا هالسرابيت وكنه هو الملاك اللي مايروح يدور اللي خبري خبرك فيحطون حيلهم بهالنت والماسنجر متنفس الفتاة السعودية )

- رسوم خدمة الانتظار (عشان الله يسلمك عمتي حصة ام مناحي الله يذكرها بالخير يتصلون بناتها طويلات العمر المغرب لاقاموا من النوم فهنا يكون الخط زحمة ولازم ترد على كل بناتها لان منيرة تقول لاكلمتك ساره تسكرين بوجهي عشانك تحبين عيالها وزوجها اكثر مني ومن عيالي فتظطر عمتي حصه باستقبال كل مكالمات الانتظار)

- رسوم المكالمات الجماعية ( خاصة ان جدتي ام عزام تحب الضحى تسولف مع جاراتها جماعية عشان مالها خلق تكلم ام عزيز لحالها وام فلاح وام عبدالله فتجمعهم الضحى بمكالمة )

- خدمة اظهار رقم المتصل ( وهنا دور اخوي صالح عشان الديانة اللي يلاحقونة عشان السيارة اللي شراها بيشخص فيها ويسكع بالاسواق وايضا اقصاد التايد اللي خذاها عشان يدلع بنات الشااااااا؟ والميم من عندك كملها ،وعاد لازم يشوف الرقم قبل يرد اما الجوال فيه خدمة مهدود قصدي موجود)


وللحديث بقية عن شركة الاختلاسات السعودية والجوال اللي اصبح موال كل يوم 000

[ماءالورد]

والله ملللل

مشكور أخوي أبو ضاري...

[الشـ أبوضاري ـمّري]

تسلمين ياحائلية على المرور الحلووووووووووو

وعلى العموم شركة الإختلاساااات في خدمة جيوبكم هههههههه

وماااااااااااااااء الورد ملل الواحد لازم يونس نفسه لو يكذب على روحه ويقول انا مستاااانس مامن احد مستاااانس

لا وربي وأنا أولــــــــــــــــــــــــهم

[الندى]

ههههههههههههههه

بالعكس وناسه

يعطيك العافيه

[الشـ أبوضاري ـمّري]

يسلموووووو يالندى على المروووووووووور