غازي البستان
17-02-2011, 01:17 AM
قصيدة تلتمس العذر في أن تلامس الغيم لتصافح الغيث أبو محمد , قصيدة لاتفي أخو جزوا حقاً ولا تستطيع ذلك لفيض كرمه و نبل أخلاقه ممدوحنا ههنا هو الإنسان الرَّجل الأخ الشيخ/علي بن حسين بن عادي الديحاني المطيري -أخو جزوا أبو محمد أطال الله في عمره و سدد خـُـطاه و أكرمه وجعل ماقام به من مواقف إنسانية لنا وللغير من موازين أعماله وحسناته
يسلم جناب السبع الأنمر ومشكـور=لبّاس من جواهـر المرجلـه تـاج
الهيدبي لامن غدا الحمـل مكثـور=ينقل ثقاله مِحمَـل الشـام مـاراج
سلام يامـن يزبنـك كـل ممـرور=ويلوذ بحماك الرضي كـل محتـاج
وينصاك منهو يشكي الضيم والجور=ويزبن عليك اللي يبي لأمه عـلاج
عِدٍّ وتارَدْك الضوامي مـن دهـور=ويصدّرون جباههـم مثـل هـدّاج
جابر عزا كل خاطر ٍ جاك مكسـور=وخيّـاط فـمٍّ بالوشايـات هـرّاج
عنبر ويشمـوم ٍ وكـاد ٍ وكافـور=وخير وخماكير ومسـرات وإفـراج
من كل هذا يافَـرَج كـل معسـور=فيك..وعليك رقاب الأيتـام تنعـاج
متضايقيـن ويستغيثونـك سـرور=ويَغرَقـون بفزعـه وفلـة حجـاج
لأصحابك حزام ٍ ولإعـداك عاثـور=مِغْذي خشوم الفوس من دم الأوداج
الطيب بصدور الرجاجيـل مذخـور=ومشيِّـدات ٍ بالنواميـس الأبـراج
الراس يطبخ بالطواريـق ويفـور=وبـه يتلاطَمِـن حبيسـات الأدراج
مثل المحيط أهدالي شـوي وآثـور=لين إتّكسر بي جزيئـات الأمـواج
الشعر مايسمع ب(أبومحمد )الشور=والمدح ماله غير شـرواه منهـاج
(علي )ولاجاء شارب العَيّ بقصور=(علي )ويسلم فايض العِـد فرتـاج
(علي )ولامن أمطرت نَكْس و حدور=(علي )ولامن صاربه ميل وإعـواج
(علي )ولاتغطلست وأفخت النـور=(علي )ولامن أظلمن قلت : ياسراج
(علي )وفدوه كلـي لكـل عيهـور=مثل (علي )لاجنّي همومي أفـواج
دحّـار للويـلات هـدّام طـابـور=منّـاع للـذِلات دفّـاع الإحــراج
نموت ملتفين حولـه تقـل سـور=صدورنا له درع و ضلوعنا سيـاج
نجيه مانستعمل الهـرج مقصـور=ولانخفّي جسـرة مسبـب إزعـاج
(إخوات جزوا)نقوة سباع ونمـور=فتخان (مدوح)لاهفـا كـل هلبـاج
حمر النواظر مدبـة كـل مسطـور=مطير لا زام السطر و السخط هاج
ل(حسين إبن عادي)بساتين وقصور=بالجنـة العليـا وحـور ٍ وديبـاج
يسلم جناب السبع الأنمر ومشكـور=لبّاس من جواهـر المرجلـه تـاج
مانـي مسندهـا فنـون الفلكلـور=ولاني مفلِّسها من سـوارة العـاج
يسلم جناب السبع الأنمر ومشكـور=لبّاس من جواهـر المرجلـه تـاج
الهيدبي لامن غدا الحمـل مكثـور=ينقل ثقاله مِحمَـل الشـام مـاراج
سلام يامـن يزبنـك كـل ممـرور=ويلوذ بحماك الرضي كـل محتـاج
وينصاك منهو يشكي الضيم والجور=ويزبن عليك اللي يبي لأمه عـلاج
عِدٍّ وتارَدْك الضوامي مـن دهـور=ويصدّرون جباههـم مثـل هـدّاج
جابر عزا كل خاطر ٍ جاك مكسـور=وخيّـاط فـمٍّ بالوشايـات هـرّاج
عنبر ويشمـوم ٍ وكـاد ٍ وكافـور=وخير وخماكير ومسـرات وإفـراج
من كل هذا يافَـرَج كـل معسـور=فيك..وعليك رقاب الأيتـام تنعـاج
متضايقيـن ويستغيثونـك سـرور=ويَغرَقـون بفزعـه وفلـة حجـاج
لأصحابك حزام ٍ ولإعـداك عاثـور=مِغْذي خشوم الفوس من دم الأوداج
الطيب بصدور الرجاجيـل مذخـور=ومشيِّـدات ٍ بالنواميـس الأبـراج
الراس يطبخ بالطواريـق ويفـور=وبـه يتلاطَمِـن حبيسـات الأدراج
مثل المحيط أهدالي شـوي وآثـور=لين إتّكسر بي جزيئـات الأمـواج
الشعر مايسمع ب(أبومحمد )الشور=والمدح ماله غير شـرواه منهـاج
(علي )ولاجاء شارب العَيّ بقصور=(علي )ويسلم فايض العِـد فرتـاج
(علي )ولامن أمطرت نَكْس و حدور=(علي )ولامن صاربه ميل وإعـواج
(علي )ولاتغطلست وأفخت النـور=(علي )ولامن أظلمن قلت : ياسراج
(علي )وفدوه كلـي لكـل عيهـور=مثل (علي )لاجنّي همومي أفـواج
دحّـار للويـلات هـدّام طـابـور=منّـاع للـذِلات دفّـاع الإحــراج
نموت ملتفين حولـه تقـل سـور=صدورنا له درع و ضلوعنا سيـاج
نجيه مانستعمل الهـرج مقصـور=ولانخفّي جسـرة مسبـب إزعـاج
(إخوات جزوا)نقوة سباع ونمـور=فتخان (مدوح)لاهفـا كـل هلبـاج
حمر النواظر مدبـة كـل مسطـور=مطير لا زام السطر و السخط هاج
ل(حسين إبن عادي)بساتين وقصور=بالجنـة العليـا وحـور ٍ وديبـاج
يسلم جناب السبع الأنمر ومشكـور=لبّاس من جواهـر المرجلـه تـاج
مانـي مسندهـا فنـون الفلكلـور=ولاني مفلِّسها من سـوارة العـاج