أتقدم بالشكر الجزيل لاستديو ساحات حايل على هذه التغطية الاعلامية المتميزة
وأخص بالشكر والتقدير أخي الاستاذ القدير/ظاهر محمد الشمري مدير ساحات حايل على جهوده المتميزة
في خدمة الشعر والشعراء فجزاه الله خير الجزاء وفتح له أبواب الخير والسعادة
وهذا المقطع هو جزء من قصيدة وطنية آمل أن تنال استحسانكم
قولوا معـي آميـن آميـن آميـن=الله يديـم الأمـن ويديـم الايمـان
ويحفظ لنا حكـام نجـد العزيزيـن=نسل الامام الوايلـي نسـل عدنـان
عبد العزيز اللي رفع رايـة الديـن=الحر أخو نـوره سلايـل بليهـان
حر ٍ دحر بالديـن روس الشياطيـن=محا رموز الشرك من كل الأوطـان
من عهد أبو تركي الى عهدنا الحين=نحكم بحكم الشـرع سنـه وقـرآن
حكامنـا للخيـر دايـم حريصيـن=الصقر أبو متعب ولاهـان سلطـان
ونايف وزير الأمن سـم المعاديـن=وأبو فهد سلمان لاهـان لاهـان
اخوان نـوره راجحيـن الموازيـن=اخوان نوره ذخرنا طـول الأزمـان
بنوا صروح العلم بالحلـم والليـن=ونالوا وسام المجد علم ٍ وعمـران
انجازهم غطّا على الهنـد والصيـن=بالطب والتخطيـط وبكـل ميـدان
قادوا التطور في جميـع المياديـن=لين وصلوا للمجد باخلاص واتقـان
في خدمـة البيتيـن خـدام وافيـن=يشهد لهم من حج للبيـت بايمـان
احسانهم يمسح دمـوع المساكيـن=من مغرب الدنيا الى الشرق الاحسان
هم تاج نجد المجد تـاج السلاطيـن=حكام شـرع الله وذربيـن الايمـان
وماهمنـا قـول العـدا والمغليـن=وماهمنا من كان لو كان مـا كـان
حثالـة الارهـاب لاشـك عاصيـن=خوارج ٍ يتلـون مـارق وشيطـان
كم أعدموا بالجرم نـاس ٍ مصليـن=كم أفسدوا بالأرض جور ٍ وطغيـان
بأسبابهم كم راح نـاس ٍ مسميـن=بأسبابهم كم يبكي انسان وانسـان
وش عذرهم يافاهميـن المضاميـن=مامن عذر والفعل حجـه وبرهـان
والختم صلوا عد ما ترمش العيـن=على نبـي ٍ كلـم الانـس والجـان
النمط المتتابع
